মুখ্য পৃষ্ঠা
06/04/25
14:47
● ডিক্ৰং পাৰত এটি গধূলি ●
শীতৰ বুকুতে ডিক্ৰং খন শুলে
ৰাজপথত নিয়ৰৰ নিহালী
সন্ত্ৰাসৰ জোতাৰ গচকত হাঁহাকাৰ আই
চাৰিওদিশে প্ৰতিধ্বনি এটি মৃত্যুৰ কিৰিলি ।
বিপ্লৱীৰ পোচাক পিন্ধি এজাক ডেকা
হাতত তুলি লৈছে হিংসাৰ বাৰুদ
উচুপি কান্দিছে বৃদ্ধা আয়ে
চকুলো উপচে শিতানৰ গাৰুত ।
মজিয়াত বৈ যায় তেজৰ নৈ
চিঠিৰ ভাজতেই হয় প্ৰেমৰ মৃত্যু
কালিমা সনা আঁউসি নিশাত
নিজ সন্তানেই আইৰ শত্ৰু ।
শুকাই যোৱা চালত পিতাইৰ দুখ
ভোটা বেজীৰ আক্ৰমনত জীৱনৰ ৰণ
সংঘাটে নিদিয়ে শান্তিৰ সংবাদ
মৃতুয়ে নিবিচাৰে চিৰশান্তিৰ পণ ।
© ৰাজু কলিতা
20/01/15
